Almaniyanın “Isar Aerospace” şirkətinin “Spectrum” raket-daşıyıcısı buraxılışdan az sonra yerə düşüb.
APA-nın xəbərinə görə, raket-daşıyıcısının buraxılışı şirkətin “YouTube” kanalı üzərindən yayımlanıb.
Raket-daşıyıcının buraxılışı yerli vaxtla saat 13.30-da Norveçin Anneya kosmodromundan həyata keçirilib. Ancaq “Spectrum” raket-daşıyıcısı buraxılışdan bir neçə saniyə sonra yerə düşüb. Şirkətin bundan əvvəl raket-daşıyıcısını orbitə çıxarmaq cəhdi də uğursuz olub.
Hündürlüyü 28 metr olan “Spectrum” raket-daşıyıcısı yerin aşağı orbitinə 1000 kq yükün çatdırılması üçün nəzərdə tutulub.
“Isar Aerospace” şirkəti 2018-ci ildə yaradılıb.
