Sentaybrda Türkiyədə əcnəbilərə, ümumilikdə, 1867 ev satılıb. Azərbaycan vətəndaşları isə ötən ay qonşu dövlətdən 67 daşınmaz əmlak alıblar. Bu göstərici ötən ilin eyni ayı ilə müqayisədə 23 faiz azalıb.
Teleqraf Türkiyə Statistika Təşkilatına (TÜİK) istinadən xəbər verir ki, sentyabrda qonşu ölkədə xaricilərə mənzil satışı əvvəlki ilin eyni ayına görə 7,7 faiz azalıb. Yanvar-sentyabr aylarında isə əcnəbilərə mənzil alqı-satqısı ötən ilin eyni dövrü ilə müqayisədə 12,6 faiz azalaraq 14 944 təşkil edib.
Ötən ay ən çox daşınmaz əmlak Rusiya Federasiyası vətəndaşlarına satılıb (267). İkinci yerdə İran vətəndaşları qərarlaşıb – onlar Türkiyədən 202 ev alıb. İraq vətəndaşları isə ötən ay 146 mənzil alaraq üçüncü yerdə qərarlaşıblar.
Xatırladaq ki, avqust ayında azərbaycanlılar Türkiyədən 77 mənzil alıb. 2024-cü ildə isə ümumilikdə 866 mənzil alınıb.
