Konyanın İlqın bölgəsində yaşayan 68 yaşlı Salih Gökçe nitq pozğunluğu şikayəti ilə Səlcuq Universiteti Tibb Fakültəsi Xəstəxanasının Təcili Xidmətinə gətirilib. İlkin müdaxilədən sonra Gökçenin insult keçirdiyi təsbit edilib və Səlcuq Universiteti Tibb Fakültəsi Xəstəxanası Nevrologiya Bölümü müəllimi, professor doktor Gökhan Özdemir tərəfindən qısa müddətdə angioqrafiya edilib.
“Sherg.az” “Milliyet.com.tr”yə istinadən bildirir ki, xəstənin hər iki şah damarının tıxandığı müəyyən edilib və sürətli müdaxilə ilə hər iki tıxanmış damar açılıb. Müdaxilə geciksəydi, həyatı üçün təhlükəli vəziyyətlə üzləşə biləcək Gökçe xəstəxanada iki gün davam edən müalicədən sonra evə buraxılıb. Qan laxtasının çıxarılması əməliyyatını həyata keçirən G.Özdəmir bildirib ki, xəstə nitq pozğunluğu şikayəti ilə təcili xidmətə gətirilib. Analizlərdən sonra Gökçeni tez angioqrafiyaya apardıqlarını ifadə edən Özdemir, "Hər iki şah damarının (daxili karotid arteriya) tıxandığı bəlli olub. Bu, çox rast gəlinən bir vəziyyət deyil. İnsanlar yuxu arteriyasının tıxanması səbəbiylə insult ola bilər. Hər iki arteriya tıxandığında beyin qidalanması təmin edilə bilmədiyi üçün xəstələrdə saatlar içində ölüm baş verə bilir" - deyib. Gökçenin həyatı üçün təhlükə yaradan vəziyyətə görə zamanla yarışdıqlarını ifadə edən Özdemir bunları qeyd edib: "Bu xəstədə ilk olaraq sol şah damarını açdıq. Tez sağ tərəfə keçdik. Onu da açdıq. Hər iki şah damarını uğurla açıb xəstəmizi ambulator şəraitdə evə buraxdıq. Ədəbiyyatda iki şah damarının eyni vaxtda tıxanması ilə bağlı heç bir məlumat yoxdur.
Biz bu əməliyyatı etməklə ilk dəfə eyni anda iki karotid arteriya tıxanmasının müalicə oluna biləcəyini göstərdik”. Müdaxilədən sonra müayinə üçün xəstəxanaya gələn S.Gökçe həkimlərə təşəkkür edib.
