Moskva Prokurorluğu erməni bloqer Areg Şçepixinə qarşı ittiham aktını təsdiqlədi.
Globalinfo.az xəbər verir ki, Moskva şəhər prokurorluğu erməni mənşəli bloqer Areg Şçepixinə qarşı irəli sürülmüş ittiham aktını təsdiqləyib və işi məhkəməyə göndərib.
İstintaqın məlumatına görə, Areg Şçepixin sosial şəbəkədə paylaşdığı müsahibəsində bilərəkdən müsəlmanların dini hisslərini alçaldıb, onların diskriminasiyası və Rusiyadan çıxarılması ilə bağlı çağırışlar edib.
Bundan başqa, başqa bir yayımlanmış videoda bloqerin müsəlman icmasının nümayəndələrinə qarşı zorakı və düşməncəsinə hərəkətlərə çağırış etdiyi iddia olunur.
Hazırda iş üzrə məhkəmə prosesi gözlənilir.
