“Bidzina İvanişvili heç bir sahədə özünü doğrulda bilmədi, o cümlədən diktator kimi də. Çünki əsl diktatura sərt, bəzən qəddar qayda-qanun nəzərdə tutur və xaosu istisna edir, o isə hər gün xaos yaradır və hesab edir ki, diktatura daha çox insanı həbsxanaya atmaq deməkdir, bundan başqa heç nəyi idarə edə bilmir”.
Teleqraf xəbər verir ki, bunu Gürcüstanın sabiq prezidenti Mixeil Saakaşvili məhkəmədə çıxışında bildirib.
“Açıq şəkildə deməliyəm ki, biz başında qeyri-funksional diktatorun oturduğu qeyri-funksional ölkəyə çevriləcəyik. Bütün bunlar rusların bizə təlqin etdiyi anlayışa əsaslanır: guya gürcülər cinayətkarlıq, korrupsiya, ruslara xidmət və onları əyləndirmək üçün doğulublar, azadlıq və dövlətçilik isə onlar üçün yolverilməz dəbdəbədir, çünki gürcülər birhüceyrəli “çmo”lardır. Mən isə sizə deyirəm: biz “çmo” deyilik və edə bilməyəcəklər, olmayacağıq. “Çmo” ola bilmərik. İvanişvilinin? Qətiyyən yox. Mən, Mixeil Saakaşvili, sizə deyirəm: 1990-cı illərin fəlakətinin bərpasına imkan verməyəcəyik, yenidən təhlükəsiz olacağıq, narkotiklər və cinayətkarlıq məhəllələrimizdən, küçələrimizdən, məktəblərimizdən yox olacaq”, - o vurğulayıb.
Mixeil Saakaşvili iddia edib ki, tezliklə Gürcüstanda hakimiyyət dəyişikliyi baş verəcək:
“Beş il əvvəl - tamamilə ümidsiz vəziyyətdə, xalq hələ tam hazır olmadığı vaxtda məni dənizdən keçirən məhz bu sevgi oldu. Amma indi vəziyyət başqadır. İndi sizə yüz faiz əminliklə təsdiq etmək istəyirəm ki, Gürcüstan dəyişikliklərə yüz faiz hazırdır, heç vaxt olmadığı qədər. Bizim genetik kodumuzda “çmo” olmaq yoxdur, əksinə, bu, azadlıq sevgisi və köləliklə barışmazlıqdır. Mən heç kimi rejimi devirməyə çağırmıram. Sadəcə sizə deyirəm: devirməyə çağıran neçə nəfəri həbsxanaya salsanız da, bu heç nəyi dəyişməyəcək. Bunu sizə qaçılmaz fakt kimi deyirəm - bu diktatura mütləq devriləcək. Bu, tezliklə baş verəcək”.
