Bir çox valideynlər üçün iş və ev arasında qalmaq daim bir mübarizədir. Amma Malayziyada yaşayan hind əsilli ana üçün vəziyyət çox fərqlidir. Racheal Kaur, işlədiyi şəhərdə kirayə haqqının çox yüksək olduğu üçün hər gün işə təyyarə ilə gedib-gəldiyini söyləyir.
Sherg.az xəbər verir ki, Malayziyada yaşayan Racheal Kaur ev kirayələrinin çox yüksək olduğu Kuala Lumpurda işləyir. Bu maliyyəti azaltmaq üçün Kaur hər gün Penangdan təyyarə ilə işə gedib, gəlir.
Kaur hər səhər işə 40 dəqiqə yol getdiyini və gününün necə keçdiyini söyləyib.
"Mənim iki uşağım var, biri 12, digəri 11 yaşında. Normalda səhər 4-də oyanıram, ən geci saat 4:15-də. Duş qəbul edirəm, geyinib səhər 5-də evdən çıxıram. Təyyarəyə minmirəm, adətən təyyarə səhər saat 5:55-də uçur. Bu tənzimləmə sayəsində hər gün evə gedə bilirəm. Gecə uşaqlarımı görə bilirəm və onlara ev tapşırıqlarında kömək edə bilirəm".
Təyyarə səfərinin orta hesabla 40 dəqiqə çəkdiyini deyən qadın hər səhər saat 07:45-də ofisdə olduğunu da bildirib.
Kaur onu da bildirib ki, AirAsia-da işləməsinə baxmayaraq, işçilərə verilən müavinətlərdən yararlana bilməyib və biletlərin qiymətini öz üzərinə götürməli olub.
"Uçuşla səyahət Kuala Lumpurda mənzil kirayələməkdən daha ucuz olur. Ev kirayələri 300 dollar civarındadır. Amma indi mən 223 dollar ipoteka ödəyirəm", - Kaur deyib.
