Qastroenterologiya üzrə Türkiyəli mütəxəssis Doç. Dr. Mehmet Önder Ekmen bildirib ki, uzun müddət davam edən gecə mədə yanması yalnız reflü deyil, həmçinin qastrit, mədə və onikibarmaq bağırsağı xorası, mədə borusunda iltihab, eroziv özofajit və Barrett özofagusu kimi vəziyyətlərin göstəricisi ola bilər. Sherg.az xəbər verir ki, Barrett özofagusu nadir hallarda olsa da yemək borusu xərçəngi riski daşıyır.
Doç. Dr. Ekmen qeyd edib ki, xüsusilə yuxudan oyadan yanma hissi, göğüs sümüyü arxasında narahatlıq və ağıza turş su gəlməsi sindirim sistemi xəstəliklərinin xəbərçisi ola bilər.
Gecə mədə yanmasına yutma çətinliyi, yutarkən ağrı, istəmədən çəki itirilməsi, qanazlığı, qara rəngli nəcis, qanlı qusma və davamlı qusma kimi əlamətlər müşayiət edirsə, bu həyəcan əlamətləri sayılır və dərhal qastroenteroloqa müraciət edilməlidir.
Doç. Dr. Ekmenin tövsiyələri:
Yatmazdan ən az 3 saat əvvəl yeməyi dayandırmaq
Yatağın başını 10–15 santimetr qaldırmaq, kiçik porsiyalarla yemək
Yağlı və qızardılmış qidalar, şokolat, qəhvə və kafeinli içkilərdən, həmçinin spirt və siqaretdən uzaq durmaq
Yeməkdən dərhal sonra uzanmamaq
Mədə qoruyucu dərmanlar mütləq həkim göstərişi ilə istifadə olunmalıdır. Erkən müayinə həm düzgün müalicəyə başlanmasını, həm də ciddi xəstəliklərin vaxtında aşkarlanmasını təmin edir.
