Mütəxəssislər bildirir ki, gündə 10 min addım atmaq ürək-damar sağlamlığından tutmuş psixoloji vəziyyətə qədər orqanizmə müsbət təsir göstərir. Qeyd olunur ki, müntəzəm yürüyüş çəkiyə nəzarəti asanlaşdırır, diabet və bəzi xroniki xəstəliklərin yaranma riskini azaldır.
Təxminən 7-8 kilometrə bərabər olan 10 min addım orta hesabla 1-1,5 saatlıq hərəkət deməkdir. Araşdırmalara görə, bu vərdiş metabolizmi sürətləndirir, immun sistemini gücləndirir və stress səviyyəsini azaldır.
Həmçinin vurğulanır ki, gündəlik yürüyüş beyin fəaliyyətini yaxşılaşdırır, yuxu keyfiyyətinə müsbət təsir edir və ümumi həyat enerjisini artırır. Mütəxəssislər qeyd edirlər ki, 10 min addım məcburi tibbi norma olmasa da, sağlam həyat tərzi üçün effektiv hədəf sayılır.
Qeyd edilir ki, ən vacib amil davamlı fiziki aktivlikdir - az da olsa hər gün hərəkətdə olmaq, ümumiyyətlə hərəkətsiz qalmaqdan daha faydalıdır.
