Araşdırmalar göstərir ki, kömək istəməkdən imtina edən və hər şeyi tək həll etməyə çalışan qadınlarda zamanla psixoloji və fiziki problemlər artır.
Sherg.az xəbər verir ki, Miçiqan Universiteti tərəfindən aparılan tədqiqatda 50 yaşdan yuxarı 2200 qadın 10 il izlənilib və yardım istəməməyin depressiya və immun sisteminin zəifləməsi ilə əlaqəli olduğu müəyyən edilib.
Mütəxəssislərə görə, bu davranış çox vaxt “hiper-müstəqillik” adlanan psixoloji mexanizmlə bağlıdır. Bu, güc əlaməti kimi görünsə də, əslində keçmiş travmaların nəticəsi ola bilər. İnsan ehtiyaclarını ifadə etdikdə rədd olunma və ya məyusluq yaşadıqda, zamanla yardım istəməkdən imtina edir.
Psixiatriya sahəsində tanınmış mütəxəssis Bessel van der Kolk isə bildirir ki, travmalar yalnız zehində deyil, bədəndə də qalır. Onun yanaşmasına görə, uzunmüddətli stress və emosiyaların basdırılması iltihab, yuxu pozuntuları və xroniki xəstəliklərə səbəb ola bilər.
Nəticə olaraq, mütəxəssislər vurğulayır ki, yardım istəmək zəiflik deyil, psixoloji və fiziki sağlamlığın qorunması üçün vacib ehtiyacdır.
