Rusiya Prezidenti Vladimir Putin Çeçenistan rəhbəri Ramzan Kadırovu təltif edib.
“Qafqazinfo” xəbər verir ki, bu barədə “RİA Novosti”yə Çeçenistanın milli siyasət, xarici əlaqələr, mətbuat və informasiya naziri Əhməd Dudayev məlumat verib.
Dudayev bildirib ki, Rusiya lideri Kadırovu 2-ci dərəcəli “Vətənə xidmətə görə” ordeni ilə təltif edib.
Nazir Kadırovun Rusiyanın müdafiə qabiliyyətinin inkişafına və dövlətçilik ənənələrinin möhkəmlənməsinə mühüm töhfə verdiyini vurğulayıb. Bundan əlavə, onun respublikanın sosial-iqtisadi inkişafında qazandığı uğurlardan da söz açıb.
