CHP Başqanı Özgür Özel, "Yenimahallə"də təşkil olunan CHP 102-ci İl Dayanışma Konsertində çıxışı zamanı, bir həmrəylik gecəsinin təşkil olunduğunu qeyd edərək, konsertdə səhnədə olan sənətçilərin qarşısında hörmətlə baş əydiyini bildirib.
Sherg.az xəbər verir ki, İstanbul Vilayət Başkanlığını partiyasının "İstanbuldakı ata evi" adlandıran Özel sözlərinə belə davam edib:
"Hazırda evimizi polis kuşatması altına alanlara, çevik qüvvəni İstanbul vilayət başqanlığımızın önünə gətirənlərə, bu millətin polisinə qanunsuz əmrlər verənlərə, səlahiyyətsiz Asliye Hukuk məhkəmələrindən İstanbul vilayət konqremizi ləğv etdirib ora bir kayyum təyin etməyə çalışanlara yazıqlar olsun. CHP-ni müdafiə etmək, Cümhuriyyəti müdafiə etməkdir. CHP-yə hücum etmək, Cümhuriyyətə hücum etməkdir. Cümhuriyyətə hücum edənlərin qarşısında qorxmadan, 102 il əvvəlki, 105 il əvvəlki əzmlə, qətiyyətlə duracağıq. Qorxmur, təslim olmuruq, olmayacağıq."
Özel bütün demokratları və CHP üzvlərini İstanbul Vilayət Başqanlığına sahib çıxmağa çağırıb.
O, İstanbul 45-ci Asliye Hukuk Məhkəməsinin qərarına da toxunaraq belə deyib:
"Tarixi bir səhv içindəsiniz, utanc duyacaqsınız, bu səhvdən dönün, Mustafa Kamalın partiyasının üzvlərinə yaraşan şəkildə davranın, bu son xəbərdarlığımdır. Qurtuluş yoxdur, ya birlikdə, ya heç kim."
Çıxışının ardından Özel, sənətçilər və partiya üzvləri ilə xatirə şəkli çəkdirib.
