"600-dən çox bal toplayan iki nəfər ali təhsil müəssisələrinə qəbul olmayıb".
Bunu Dövlət İmtahan Mərkəzinin (DİM) İdarə Heyətinin sədri Məleykə Abbaszadə universitetlərə qəbulun nəticələri ilə bağlı keçirdiyi brifinqdə deyib.
"Bu il yeddi mindən çox məzun ali təhsil müəssisələrinə ərizə verməyib. Universitetlərə qəbul üçün ərizə verən 93 min məzunun əksəriyyəti məktəbi bu il bitirib".
Məsələ ilə bağlı fikirlərinin tamam fərqli olduğunu deyən Sosial Tədqiqatlar Mərkəzinin əməkdaşı, elm və təhsil məsələləri üzrə tədqiqatçı Elmin Nuri "Sherg.az"a bildirib ki, ixtisas seçimləri zamanı bir çox gənclərlə ünsiyyətdə olub:
''Onların içərisində tam hədəfini bilənlərdə var idi, əksinə, nə istədiyini bilməyənlərdə. DİM-in idarə heyyətinin sədri Məleykə Abbaszadə mediaya açıqlamasında bir neçə nüansı vurğuladı. Onlardan biri də birinci ixtisas qrupu üzrə 600-dən çox bal toplayan 2 nəfərin tələbə adını qazana bilməməsidir. Onlar ixtisas seçimi zamanı yalnız bir yeri yazaraq digər xanaları doldurmağa ehtiyac bilməyiblər. Doğrusu, hədəfin mükəmməlliyi məni heyrətləndirdi. Fikrimcə, həmin iki gənc qəbul olan əksər tələbələrdən daha uğurludur. Onsuz da onların nəticələrindən hansı savada sahib olmaları açıq görünür. Məhz, bir ixtisas seçmələri onların hədəfli, məqsədli biri olduqlarının göstəricisidir. 17-18 yaşdan bir məqsəd uğurunda çalışan gənclərin gələcəyi çox uğurlu olacaq. Ancaq onların belə bir addım atmasında ailə basqısının təsirinin olub-olmamasını bilmirik. Əvvəlki illərdə elə valideynlər var idi ki, övladına BDU-nun Hüquq fakültəsini seçməyi tapşırıb. Nəticədə həmin abituriyyent hədəfə ikinci ildə nail olub. Ümid edirəm ki, burada da vəziyyət eyni cür deyil. Çox ehtimal, onlar Bakı Ali Neft Məktəbində İT əsaslı ixtisaslar seçiblər. Orada isə keçid balları yüksəkdir.Təbii ki, onlar növbəti xanalardakı ixtisasların birinə qəbul ola bilərdilər. Bir sözlə, 90 faiz üniversitetin 99 faiz yerlərində pulsuz təhsil alacaqdılar. Ancaq stiuasiyaya peşəkarcasına yanaşıblar. Əsl tələbələr məhz, onlardır. Həmin abituriyyentləri qınayanları isə qətiyyən anlaya bilmirəm. Günümüzdə 200-300 bal toplayaraq təki universitetdə oxuyum düşüncəsi ilə olanlar kifayət qədərdi və onların həmin tələbələri qınamaları adi haldır. Ancaq həmin abituriyyentlər daha üst səviyyədilər".
