Sökülən həyətyanı ev tipli tikililərin yerində inşa olunan yeni fərdi yaşayış evləri üzrə mülkiyyət hüquqlarının dövlət qeydiyyatına alınması mexanizmi sadələşdirilir.
Teleqraf xəbər verir ki, bu barədə “Daşınmaz Əmlakın Dövlət Kadastrı və Reyestri” publik hüquqi şəxsin İdarə Heyətinin sədri Nigar Alimova birifinq zamanı məlumat verib.
Qurum rəsmisi qeyd etdi ki, təcrübə əsasımda müəyyən olunub ki, həm Bakı şəhəri, həm Abşeron rayonunda vətəndaşlarda həyətyanı evi tipli tikililərin sökülərən yerinə yeni fərdi yaşayış evlərinin tikilməsi tendensiyası mövcuddur:
“Onların əlində yalnız müvafiq icra həkimiyyəti orqanından yeni fərdi yaşayış evinin tikintisi ilə bağlı sərəncam layihələri var idi. Sözsüz ki, bu sənəd onlara həmin əmlak, torpaq üzərində hüquqları qeydiyyata aldırmaq imkanı vermirdi. Yeni düzəlişlərə əsasən, əgər vətəndaşın əlində 2004-cü ilin avqust ayınadək həmin evin sökülərək yerində yeni fərdi yaşayış evinin tikintisinə icazə ilə bağlı sərəncam və həmin yaşayış evinin icra hakimiyyəti ilə razılaşdırılmış layihəsi mövcuddursa və torpaq sahəsinin ölçüsü göstərilibsə, bu sənədlərlə müraciət edilərsə həmin torpaq sahəsi üzərində hüquqlar qeydiyyata alına bilər.
Digər bir xüsusi məqam olan ibarətdir ki, biz müraciətlər zamanı gördük ki, vətəndaşlarda çox sayılı təsərrüfatbaşına kitablardan çıxarış yox, lakin belə çıxarışların verilməsinə dair arayışlar mövcuddur. Ona görə bu düzəliş olunaraq həm çıxarışlar, həm arayışlar artıq sənəd əsası kimi qəbul olunacaq”.
