Ağ Evin mətbuat katibi Karoline Leavitt, Amerikanın “LGBTQ Harvard məzunları” əvəzinə daha çox peşə sahibinə ehtiyacı olduğunu bildirib.
Sherg.az xəbər verir ki, Fox News-a danışan Leavitt, ABŞ Prezidenti Donald Trampın vergi ödəyicilərinin pulunu Amerikan dəyərlərini təşviq edən və ölkədə ən çox ehtiyac duyulan bacarıqları öyrədən qurumlara yönəltmək istədiyini söyləyib.
Leavitt əlavə edib ki, Tramp administrasiyası santexnikləri və elektrikçiləri “LGBTQ məzunlarından” daha dəyərli hesab edir.
Leavittin bu açıqlamaları, Trampın Amerikanın ən qədim universiteti olan Harvarddan təxminən 100 milyon dollarlıq fondu geri çəkməyə çalışdığı bir vaxta təsadüf edib.
Bundan əlavə, Tramp administrasiyasını universitetlə qarşı-qarşıya gətirən bir başqa məsələ də kampusda Fələstin tərəfdarı etiraz aksiyalarına icazə verilməsi ilə bağlıdır. Tramp tərəfi bu məsələdə “qanunsuz, cinayət xarakterli antisemit davranış” iddialarını əsas gətirərək universiteti tənqid edib.
