Azərbaycan sərhədlərini möhkəm qoruyur:“İranın agentləri, narkotik gətirənləri...”
Yusif Nəzərli
15:41 08.04.2022
Aktual
737
Aprelin 7-də Cəlilabad rayonunun Sərxanlı kəndi yaxınlığında 3 nəfər naməlum şəxsin Dövlət Sərhəd Xidməti tərəfindən saxlanılıb. Onların İran İslam Respublikasından Azərbaycan Respublikası istiqamətində hərəkəti müşahidə olunub.
Bu barədə Baş Prokurorluq və Dövlət Sərhəd Xidməti birgə məlumat yayıb.
Xidməti ərazi tam qapadılaraq naməlum şəxslərin təqibinə başlanılıb. Onlar odlu silahdan atəş açaraq sərhədçilərin qəsdən öldürülməsinə cəhd ediblər.
Zərərsizləşdirilmiş sərhəd pozucusunun yanında AKM tipli “Kalaşnikov” avtomatı, 2 ədəd bağlamadan 24 kiloqram 730 qram narkotik vasitə (9 915 qram marixuana, 10 650 qram heroin, 85 qram tiryək, 4 080 qram metamfetamin) və 300 ədəd “metadon 40” psixotrop tərkibli həblər aşkar olunaraq götürülüb. Sırhəd pozucusu özünü İran vətəndaşı Piran Behzat Məhəmməd olaraq təqdim edib.
Baş verən hadisə barədə sərhəd nümayəndəliyi xətti ilə İran tərəfi məlumatlandırılıb.
Qeyd edilən faktla bağlı cinayət işi başlanılıb, hazırda Baş Prokurorluq və DSX tərəfindən birgə istintaq və əməliyyat-axtarış tədbirləri davam etdirilir.
Qeyd edək ki, dəfələrlə İran ərazisindən Azərbaycana qeyri-qanuni şəkildə gələn naməlum şəxslər tutulub. Onlar silah və narkotika keçirmək, hətta erməni terrorçularına kömək üçün bu cür əməllərə baş vururlar. Lakin cənub qonşumuz hər hansısa tədbir görmür. Bəlkə də, göz yumur.
Mövcud problemlə bağlı “Sherg.az”a danışan Güney Azərbaycan Demokratik Türk Birliyinin rəhbəri Əjdər Tağızadə bildirib ki, Tehran rejimi qonşuları ilə heç vaxt düzgün münasibət yaratmayıb:
“Onlarla sərhədlər ilə bağlı həmişə problem baş verir. İraqdakı bütün çatışmazlıqlara rəğmən, bu dövlətlə belə bu mövzuda narahatlıqla qarşılaşır. O da, Pakistan da İrandan şikayətçidir.
Hətta Əfqanıstana baxsaq, Əşrəf Qəni bəyin vaxtında da, indiki Taliban rejiminin dövründə də bu cür ziddiyyətlər özünü büruzə verir. Türkmənistan və Türkiyə də bu ölkələrlə eyni müqəddaratı yaşayır”.
Birlik rəhbəri izah edib ki, İran Azərbaycanla sərhədlərlə bağlı müəyyən edilən beynəlxalq qanunlara əməl etmir:
“Ən azından 30 ildir, oradan ölkəmizə qaçaqçılar, cinayətkarlar və casuslar göndərilir. Azərbaycan müstəqilliyini bərpa edəndən sonra ərazimizdə bunların agentləri, erməni separatçıları ilə işləyənləri, narkotik gətirənləri və s. həmişə tutulur, həbs olunur.
Bizdə bunların məhkəmə prosesi keçirilir. Dövlətimizin, Türkiyənin və digər ölkələrin adı bu tip qanunsuz hadisələrdə hallanmır. Xüsusilə, qardaş ölkə özü terroristlərlə və cinayət əməlləri ilə məşğul olanlara qarşı mübarizə aparır”.
Ə.Tağızadə cənub qonşumuzun bizə qarşı bu fəaliyyətini dayandırmayacağını vurğulayıb:
“Sevindirici haldır ki, Azərbaycan sərhədlərini möhkəm qoruyur. Tehranın qeyri-leqal əməllərini ifşa edirik. O göstərir ki, bizim üçün yaxşı dost ölkə olmayacaq. Azərbaycanın güneyində, "İran"adlanan yerdə 40 milyon soydaşımız əsarətdədir. Ona görə də, fars rejimi heç vaxt bu fitnə-fəsadlıqlardan əl çəkməyəcək”.
Oxşar xəbərlər
Xəbər lenti
Hamısına bax
Mark Rutte: Kırım körpüsünə hücumun uğurlu olduğu görünür
20:18 17.11.2026
Gündəm
Co Bayden: 2008-ci ildə Ukraynaya verilən vəd vaxtından əvvəl idi
20:10 17.11.2026
Gündəm
Bakıda ögey qardaşı 23 yaşlı qadını bıçaqlayaraq öldürüb
19:48 17.11.2026
Hadisə
Baxçalıdan sosial mediaya məhdudiyyət çağırışı: “Artıq vaxtıdır”
19:41 17.11.2026
Gündəm
İranın Qeşm adasında partlayışlar baş verib
19:12 17.11.2026
Aktual
Məşhur şadlıq saraylarında nöqsanlar: Mal əti əvəzinə...
19:01 17.11.2026
Sosial
Sumqayıtda "Embawood"un anbarında ölüm hadisəsi olub
18:55 17.11.2026
Hadisə
Alen Simonyan: Katolikos II Qaregin milli təhlükəsizliyə təhdiddir
17:46 17.11.2026
Region
Uşağa qulluğa görə müavinət hüququ... - Yeni qayda
17:44 17.11.2026
Sosial
İranda üç etirazçı edama məhkum edildi
17:26 17.11.2026
Dünya
Azərbaycanda saatlıq əməkhaqqı sistemi tətbiq ediləcək
17:24 17.11.2026
İqtisadiyyat
Britaniya TRIPP-in təhlükəsizliyinə töhfə verə bilər - ŞƏRH
17:18 17.11.2026
Aktual