Onlayn qəzet

Digər kateqoriyalar

“Seçkilər başlamamış mənfi rəy yaratmaq istəyirlər”

23:43 23.09.2015 Arxiv 309
Asim Mollazadə: “ATƏT 50 milyon əhalisi olan ölkələrə də 400 müşahidəçi göndərir, əhalisi 10 milyondan çox olmayan Azərbaycana da. Burada məntiq yoxdur”



Azərbaycan xarici işlər naziri Elmar Məmmədyarov AŞ PA-nın müşahidə missiyasının üzvlərini qəbul edib. Nazir deyib ki, ATƏT-in Demokratik Təsisatlar və İnsan Hüquqları Bürosunun Azərbaycanda keçiriləcək seçkilərlə bağlı verdiyi bəyanat məntiqə uyğun deyil. E.Məmmədyarovun sözlərinə görə, 100 milyondan artıq əhalisi olan dövlətlərə 300-400 müşahidəçi göndərildiyi halda, 9 milyon əhalisi olan Azərbaycana 125 seçki dairəsi üzrə 400 nəfər müşahidəçinin göndərilməsi məntiqsiz və qanunaziddir. Məsələni şərh edən Demokratik İslahatlar Partiyasının sədri, millət vəkili Asim Mollazadə AİM.Az-a bildirib ki, ATƏT müşahidəçilərinin qeyd olunan sayda seçkiləri izləmək istəyi ölkəmizlə bağlı qərəzin olduğunu göstərir: "Həqiqətən də ATƏT-in ölkəmizə 400 müşahidəçi göndərmək məqsədi başadüşülən deyil. ATƏT 50 milyon əhalisi olan ölkələrə də 400 müşahidəçi göndərir, əhalisi 10 milyondan çox olmayan Azərbaycana da. Burada məntiq yoxdur. Bizdə artıq belə bir təəssürat formalaşır ki, bu qurum seçkilər başlamamış Azərbaycanla bağlı mənfi rəy formalaşdırmaq niyyətindədir. Baş verən hadisələr Azərbaycana qarşı aparılan informasiya müharibəsinin davamıdır. ATƏT-in bu yanaşması ancaq təəssüf doğurur, ölkəmiz bu qurumla hər zaman sıx əməkdaşlıq etməyə hazır olub. Azərbaycan heç zaman kimlərinsə onunla təzyiq metodu ilə danışmasına imkan verməyəcək. Yaxşı olar ki, ATƏT hüquqları pozulmuş 1 milyondan çox azərbaycanlı məcburi köçkünün taleyi ilə maraqlansın, 20 faiz torpağı işğal altında olan Azərbaycanla bağlı mövqe ortaya qoysun və Ermənistanın işğalçılıq siyasətini pisləsin. Biz ATƏT-dən bunu gözləyirik”.

Oxşar xəbərlər

post-slider
Faktiki hava açıqlanıb
09:36 08.07.2024
post-slider
39 dərəcə isti var - Faktiki hava
11:07 18.06.2024
post-slider
Bu bölgələrdə küləklə bağlı sarı və narıncı xəbərdarlıq edilib
17:21 24.05.2024
post-slider
Bakıda 20 dərəcə isti olacaq - PROQNOZ
12:54 12.04.2024
post-slider
Sabahın hava proqnozu
13:31 06.01.2024
post-slider
Üç bürcü sabah əsl möcüzə gözləyir - yanvarın 7-də...
12:18 06.01.2024

Xəbər lenti

Hamısına bax