Yunanıstanda paytaxt Afina ətrafında baş vermiş yanğınlar, ölkə tarixinin ən böyük fəlakətlərindən birinə səbəb oldu. Keçən həftə başlayan yanğında indiyə qədər ən azı 88 nəfərin həyatını itirdiyi bildirilir. Səlahiyyətlilər itkin sayının dəqiq omadığı səbəbindən bu sayın arta biləcəyini vurğulayır.
Təxminən 180 nəfərin yaralandığı, minlərlə evin kül olduğu yanğın fəlakəti ilə əlaqədar istintaq davam edir. Səlahiyyətlilər bölgəni axtarıb, itkin kəslərin cəsədlərini tapmağa çalışır. Yunan mətbuatı insanların qaçış anının video görüntülərini paylaşıb.
Mövzuyla əlaqədar danışan Yunanıstan Baş naziri Alexis Çipras da bütün məsuliyyəti üzərinə götürdüyünü açıqladı. Çipras jurnalistlərə "Sizi bura kabinetimin və bütün yunan xalqının qarşısında bu faciənin bütün siyasi məsuliyyətini boynuma götürdüyümü söyləmək üçün çağırdım" deyib. Yunanıstan Baş nazir ,"Çox kompleks duyğular içindəyəm… İnsanların gözlənilməz və haqsız bir şəkildə həyatlarını itirməsinin ağrısını və ağırlığını hiss edirəm. Eyni zamanda etdiyimiz hər şeyin doğru olub, olmadığının da böyük iztirabını çəkirəm" deyə davam etdi.
Yunanıstan mediası yanğından qaçaraq dənizə girən yunan vətəndaşlarının görüntülərini ilk dəfə paylaşdı. Fəlakətdən qaçanlar tərəfindən çəkilən videoda, özünü güc-bəla dənizə ataraq xilas olanların nələr yaşadığı çox dəqiq və vahiməli şəkildə görünür. Çox sayda insanın yanğından qaçarkən boğulduğu bildirilir.
Videoda çox sayda insanın özləri ilə ala bildikləri əşyalarla dənizə qaçarkən, bir çoxunun qorxudan ağladığı və stress keçirdiyi görünür.
Yunan mətbuatı yanğında həyatını itirənlərin sabah dəfn ediləcəyi bildirir.
Turan
