Milli Məclisdə gələn ilin dövlət büdcəsinin müzakirələri zamanı Mətbuat Şurasının sədri, deputat Əflatun Amaşov təkliflər səsləndirib. Sherg.az-ın xəbərinə görə, öncə Ə.Amaşov çap mətbuatının iqtisadi problemlərindən danışıb:
"Azərbaycan mediasının iqtisadi durumu problemsiz deyil.Xüsusən də, çap mətbuatının maliyyəsində problemlər var. Heç olmasa çap məhsulları üzərindən əlavə dəyər vergisinin götürülməsi yaxşı olardı”.
O qeyd edib ki, verginin götürülməsi bu sahənin daha da inkişaf etməsinə səbəb olacaq.
Deputat təhsil sahəsinə ayrılan maliyyənin artırılmasını təklif edib:
"Bu vəsait Azərbaycandilli məktəblərdə dərsliklərin daha müasir hazırlanmasına sərf edilsin. Son zamanlar müzakirələrə səbəb olan məsələlər bunu tələb edir. Bu məktəblər güclü olmalıdır ki, övladlarını digər dillərdə olan məktəblərə göndərən valideynlərin bəhanəsi olmasın”.
Anar
