Onlayn qəzet

Digər kateqoriyalar

Daha bir sex bağlandı: Təbii adı ilə quru süddən istifadə edirdilər - FOTO

13:25 17.08.2019 Cəmiyyət 430
Sabunçu rayonunda antisanitar şəraitdə süd və süd məhsulları istehsal edən sexin fəaliyyəti məhdudlaşdırılıb. Bu barədə Azərbaycan Qida Təhlükəsizliyi Agentliyi məlumat yayıb.
Agentliyə paytaxtın Sabunçu rayonu, Bakıxanov qəsəbəsi, 2578-ci məhəllə ünvanında yerləşən, fiziki şəxs Məmmədov Rasif Əlibəy oğluna məxsus süd və süd məhsulları istehsalı sexində sanitar-gigiyena və texniki normativ sənədlərin tələblərinə əməl edilməməsi barədə məlumat daxil olub.
Müraciət əsasında süd və süd məhsulları sexinə baxış keçirilib. Antisanitar şəraitdə fəaliyyət göstərən sexdə “Lerik” əmtəə nişanlı süd və süd məhsullarının istehsal edildiyi aşkar olunub.

Həmin məhsulların etiketində təbii inək südü qeyd olunsa da, məhsulların istehsalında faktiki quru süddən istifadə edilərək istehlakçı hüquqlarının kobud şəkildə pozulduğu müəyyən edilib.
Yoxlama zamanı müəssisədə məhsulların istehsalında bitki tərkibli “Sun 23” marqarin yağı və E 235 “Natamisin” (antibiotik) qida əlavəsindən istifadə olunduğu, bununla bağlı etiket məlumatlarında hər hansı məlumatın qeyd olunmadığı aşkarlanıb.
Aşkarlanan nöqsanlar əsasında süd və süd istehsalı sexinin fəaliyyəti məhdudlaşdırılıb və məhsullardan nümunələr götürülərək Qida Təhlükəsizliyi İnstitutunun müvafiq laboratoriyalarına göndərilib. Faktla bağlı araşdırmalar davam etdirilir.

Oxşar xəbərlər

post-slider
Milli Qəhrəmanların ailə üzvlərinə Prezident təqaüdü təyin edildi
18:58 10.01.2025
post-slider
31 min dollar maaşa iş var - FOTOLAR
17:31 10.01.2025
post-slider
Aktaudakı Azərbaycan diasporundan nümunəvi addım - FOTO
15:06 10.01.2025
post-slider
Ekspert: Bir çox ərazilərdə tramvayların hərəkəti bərpa olunacaq
14:46 10.01.2025
post-slider
Bakıda bud əməliyyatına girən qadının burnunu kəsdilər
14:29 10.01.2025
post-slider
Azərbaycanla Mərakeş arasında hərbi əməkdaşlıq Sazişi təsdiqlənib
13:15 10.01.2025

Xəbər lenti

Hamısına bax