İsveçrə alimləri bütün kakao meyvəsindən istifadə edərək və şəkər əlavə etmədən şokolad istehsal etməyin yeni üsulunu kəşf ediblər. Bu üsul meyvə israfının qarşısı alınarkən şokoladın qiymətində dəyişiklik olub-olmayacağı sualını gündəmə gətirib.
Sherg.az xəbər verir ki, "BBC Türk"cənin məlumatına görə, Sürixdəki Federal Texnologiya İnstitutunda çalışan alimlər şokolad istehsalında kakao meyvəsinin pulpasından, şirəsindən və meyvə pulpasından istifadə ediblər. Ənənəvi istehsalda, demək olar ki, balqabaq ölçüsündə olan meyvə çürüməyə buraxıldı.
Kim Mişranın rəhbərlik etdiyi qrup kakao meyvəsinin şirin şirəsi və pulpasını birləşdirərək şəkərə ehtiyacı aradan qaldıran şirin kakao geli əldə edib.
Bu yeni üsulda kakao meyvəsinin demək olar ki, bütün hissələri istifadə edilərək israfın qarşısı alınır. Ənənəvi üsullarla meyvə çürüməyə buraxılarkən, bu yenilikçi üsul sayəsində hər bir parça qiymətləndirilir.
Kim Mişra bu prosesdə meyvənin ananasa yaxın olan şirin şirəsinin əsas rol oynadığını bildirib. Tərkibində 14 faiz şəkər olan meyvə şirəsi konsentrat siropa çevrilir və kakao pulpası ilə birləşdirilərək şirin gel əldə edilir.
İsveçrə şokolad istehsalçıları assosiasiyası Chocosuisse-nin direktoru Rocer Wehrli bu yeni istehsal üsulunun kakao meyvəsindən "daha yaxşı qiymətlər əldə etmək" baxımından maraqlı olduğunu vurğulayıb.
Bununla belə, Kim Mişra qeyd edib ki, şəkər subsidiyalaşdırılmağa davam etdiyi üçün kakao pulpası və suyu daha bahadır və buna görə də yeni şokolad hazırda daha yüksək qiymətə təklif oluna bilər.
Bu innovativ üsul şokolad istehsalında həm ekoloji, həm də iqtisadi cəhətdən əhəmiyyətli dəyişikliklərə səbəb olacaq.
