Ermənistan rəhbərliyinin ibadət yerləri ilə bağlı etirafları ölkədəki real vəziyyəti üzə çıxarır. Kilisələrin baxımsız qalması təkcə dini deyil, həm də mədəni məsuliyyətsizliyin göstəricisidir. Bu hal erməni cəmiyyətinin dəyərlərinə və münasibətinə işıq tutur. Bu, həm də ölkədəki mədəni mühitin zəifliyini və dini dəyərlərə münasibətdəki laqeydliyi ortaya qoyur.
Ermənistan Baş naziri Nikol Paşinyan da erməni kilsələri barədə danışarkən onların murdarlandığını qeyd edib.
Mövzu ilə bağlı Milli Məclisin deputatı Fazil Mustafa Sherg.az-a açıqlama verib:
"Erməni kilisələrində olan vəziyyətlə bağlı bu cür açıqlama vermək, real vəziyyəti göstərməkdir. Əslində Paşinyan bu kimi məsələlərdə kifayət qədər açıq və bir mənalı mövqe ortaya qoyub. İbadət yerləri ümumiyyətlə təmiz olmalıdır. Bu, həm məscidlərə də, həm də digər ibadət yerlərinə də aiddir. Bu, həm də ölkənin görüntüsüdür, mədəni mühitin işarəsidir.
Əgər ermənilər öz kilisələrinə belə münasibət göstərirlərsə, bu açıq şəkildə onların həm də xislətlərinə aid ola biləcək bir məsələ kimi diqqətdə saxlanmalıdır".
Deputat sonda bunun bir etiraf olduğunu söyləyib. Bildirib ki, bu etirafı kifayət qədər ciddi şəkildə qiymətləndirmək lazımdır ki, həqiqətən də Ermənistanda belə bir problemlər yaşanmaqdadır.
