Azərbaycanda qadınların yeni forumu keçiriləcək.
"Report" xəbər verir ki, bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova rəhbərlik etdiyi qurumun 2023-cü ilin ilk 6 aylıq fəaliyyətinə həsr olunan brifinqdə deyib.
O bildirib ki, forum çərçivəsində Azərbaycan təcrübəsi və beynəlxalq standartlara uyğun tədbirlər təşkil olunacaq: "Məişət zorakılıq mövzusunda Türkiyə təcrübəsi və eləcə də digər ölkələrin təcrübəsi müzakirə ediləcək. Bizim nümayəndələr qardaş ölkə ilə yanaşı digər dövlətlərin təmsilçiləri ilə birgə təlimlər keçirirlər. Təlimlərdə real modellər əsasında çıxış yolları axtarılır".
