Azərbaycan Mərkəzi Bankının (AMB) İdarə Heyəti (İH) uçot dərəcəsinin 0,25 faiz bəndi artırılaraq 7,5 %-dən 7,75 %-ə çatdırılması barədə qərar qəbul edib.
Mərkəzi Bankdan verilən məlumata görə, faiz dəhlizinin aşağı həddi 6 %-dən 6,25 %-ə, yuxarı həddi isə 9%-dən 9,25%-ə qaldırılıb.
Qeyd edilib ki, qərar bu gündən qüvvəyə minir.
AMB-nin İH-nin faiz dəhlizinin parametrləri barədə növbəti qərarı aprelin 29-da ictimaiyyətə açıqlanacaq və bununla bağlı mətbuat konfransı keçiriləcək.
