“44 günlük müharibə nəticəsində daha suveren, daha müstəqil, daha özünü təmin edən bir dövlət əldə etmişik”.
Teleqraf xəbər verir ki, bunu Ermənistan Baş naziri Nikol Paşinyan deyib.
Baş nazir müharibədən sonra Rusiya sərhədçilərinin Ermənistanın İranla sərhəd-keçid məntəqəsi və “Zvartnots” beynəlxalq hava limanından çıxarılmasına diqqət çəkib:
“Sərhədçilərimiz Ermənistan Respublikasının bütün sərhəd-keçid məntəqələrində öz vəzifələrini yerinə yetirəcəklər, bu, çox məntiqlidir. Çünki biz müstəqil dövlətik və orada bizim sərhədçilərimiz dayanmalıdır.
Mən bu qərarı 2024-cü ildə vermişəm. 2019-cu ildə (Ermənistan daxilində) siyasi və hər cəhətdən daha güclü və möhkəm göründüyüm zaman bu qərarı verə bilərdimmi? Xeyr, mən o qərarı 2018-ci ildə, 2019-cu ildə, 2020-ci ildə verə bilməzdim. Bunu edə bilməzdim, hətta belə bir şeyin ola biləcəyini düşünmək çox çətin idi və 2024-cü ildə (müharibədən sonra – red.) bu qərarı verə bilərdim və verdim. Bu müddət ərzində bizə verdiyi dəstəyə görə Rusiya Federasiyasına təşəkkür etdik, həmçinin onlara dedik ki, biz artıq dövlət olaraq yetişmişik, sərhəd məntəqələrimizə özümüz nəzarət edə bilərik”.
