“Arxiyepiskop Baqrat Qalstanyanın hansı ökənin agenti olduğu araşdırılmalıdır”.
Teleqraf xəbər verir ki, bunu Ermənistan parlamenti sədrinin müavini Ruben Rubinyan deyib.
“Arxiyepiskop Baqrat Qalstanyan xarici qüvvələrin ona Nikol Paşinyan yenidən seçiləcəyi təqdirdə Ermənistanın narkotik və çirkli pulların yuyulma mərkəzinə, ailə modelinin məhv edildiyi məkana və sairə çevriləcəyi barədə məlumat çatdırdığını bildirib. Həmçinin o, Ermənistanın “xarici qüvvələrin rəngli inqilablar düşərgəsi”nə çevriləcəyini söyləyib.
Əgər “müqəddəs ata” doğru deyirsə, deməli, xarici qüvvələrin təsir agentidir. Əgər belə olduğu ortaya çıxarsa, onun hansı qüvvələrin agenti olduğunu dərhal araşdırmaq lazımdır, həmçinin bütün ermənilərin katolikosu II Qareginin bu məsələ ilə hansı əlaqəsinin olduğunu öyrənmək lazımdır. Ümid edirəm ki, o, arxiyepiskopun sözlərini aydınlaşdıracaq”, - vitse-spiker bildirib.
Rubinyan arxiyepiskop Mikayel Ajapaxyanın Nikol Paşinyan hökumətinə yönəlik təhdidinə də diqqət çəkib:
“Təxminən ilyarım əvvəl başqa bir arxiyepiskop Mikayel Ajapaxyan bəyan etmişdi ki, Ermənistanda hərbi çevriliş edilməlidir. O zaman bunu ciddi qəbul etmirdim, belə düşünürdüm ki, “müqəddəs ata” sadəcə olaraq əqli cəhətdən balanssızdır. Amma Baqratın etirafından sonra sual yaranır: bəlkə də arxiyepiskop Mikayel də xarici qüvvələr tərəfindən belə bir çağırışa təkid edilib. Bunu aydınlaşdırmaq lazımdır. Ümid edirəm ki, II Qaregin buna aydınlıq gətirəcək”.
