ABŞ Prezidenti Donald Trampın almaq istədiyi Qrenlandiya adasının qiyməti 10 trilyon dollara çata bilər.
“RİA Novosti” xəbər verir ki, bunu G.V.Plexanov adına Rusiya İqtisadiyyat Universitetinin professoru Konstantin Ordov deyib.
Onun sözlərinə görə, 10 trilyon dollar ABŞ-ın ümumi daxili məhsulunun (ÜDM) yarısını üstələyir:
“Adanın alışının iqtisadi səmərəliliyi şübhə doğurur”.
Onun həmkarı, dosent Aleksandr Timofeyev isə deyib ki, Qrenlandiyada qızıl, platin, uran yataqları var:
“Bundan başqa, adanın əhalisində artım yoxdur. Bu isə, öz növbəsində, təbii yataqların işlənməsi tempinə mənfi təsir göstərə bilər”.
