Onlayn qəzet

Digər kateqoriyalar

Paşinyan sülhə gəlməlidir! 

10:28 04.08.2022 Dünya 316
  “Türkiyə Prezidenti Rəcəb Tayyib Ərdoğanla Rusiya Prezidenti Vladimir Putinin avqustun 5-də Soçidə keçiriləcək görüşü ərəfəsində Qərbyönümlü Ermənistanın Azərbaycanla sərhəddə silahlı təxribatlara əl atması Rusiya ilə Türkiyənin əməkdaşlıq etdiyi ən həlledici nöqtələrdən birində münasibətləri yenidən gərginləşdirməyə və pozmağa hesablanıb”. Bu barədə Ədalət Partiyasının sədr müavini, siyasi şərhçi Elxan Şükürlü "Sherg.az"a deyib. Ekspert bildirib ki, Azərbaycan cəmiyyəti üzərinə götürdüyü öhdəlikləri yerinə yetirməkdən yayınan, gündə bir bəhanəylə çıxış edən Paşinyan hakimiyyətini, erməni silahlı birləşmələrini yox, daha çox Rusiyanı və onun “sülhməramlı” adıyla Qarabağa yerləşdirdiyi hərbçilərini suçlayır: “Halbuki, normal məntiq onu deyir ki, son 30 il ərzində ilk dəfə Rusiya-Ermənistan münasibətlərində bu qədər problemlər, çatlar yaranmışkən, biz də “düşmənimin düşməni dostumdur” prinsipiylə hərəkət edək. Bundan yararlanmağa çalışaq, nəinki erməni dəyirmanına su tökən davranışlara, çağırışlara yol verək. Avqustun 5-də yenidən görüşəcək Rusiya və Türkiyə liderləri hamıdan daha yaxşı bilirlər ki, onların hər ikisini devirməyə Bayden administrasiyasının əlində əsas alətlərdən birinə çevrilmiş Paşinyan hökumətini sərt cəzalandırmayanadək, qeyri-müəyyən Ermənistan-Azərbaycan sərhədindəki gərginliyin də hər an irimiqyaslı müharibəyə çevrilmək riski qalacaq. Bu cür riskli, qeyri-müəyyən durumun qalması isə təkcə Ermənistanda yox, Rusiya-Türkiyə əməkdaşlığında ən önəmli nöqtə olan Azərbaycanda da ictimai rəyi Rusiyanın əleyhinə çevirərək, onun tərəflər arasında təkbaşına sülhməramlı missiyanı yerinə yetirə bilmədiyi qənaətini artırır və bölgəyə NATO qüvvələrinin gətirilməsi çağırışlarını edənlərin mövqeyini gücləndirir. Ümid edirəm, Ukrayna savaşının danışıqlarla çözülməsində üzərinə böyük missiya düşən Ərdoğanın Putinlə budəfəki Soçi görüşü 2016-cı ildən üzü bu yana yürüdülən “toqquşan nöqtələrdə əməkdaşlıq” siyasətinin pozulmasına deyil, daha da inkişaf etdirilməsinə təkan verəcək. Paşinyan Ermənistanın öhdəliklərinin yerinə yetirilməsində, sülhə sövq edilməsində əhəmiyyətli rol oynayacaq. Hələlik bütün diqqətlər qeyri-müəyyən və qeyri-sabit Ermənistan-Azərbaycan sərhədlərinədir. Azərbaycan Silahlı Qüvvələri 5 avqust görüşünədək erməni silahlı birləşmələrinin bütün təxribatlarını uğurlu əks-əməliyyat tədbirlərinə çevirməyi bacarmalıdır!”.

Yazarın bütün yazılarına bax

Oxşar xəbərlər

post-slider
Rusiya hökuməti: Ermənistanın Avropa İttifaqı ilə ticarəti Avrasiya İqtisadi İttifaqından dəfələrlə azdır
13:54 15.01.2025
post-slider
Yanğın belə söndürülür -Göydən səpilən çəhrayı maddə əvəzsizdir
13:42 15.01.2025
post-slider
Kraliçanın 10 illik dostu: Demə, rus agenti olub
13:30 15.01.2025
post-slider
Ermənistan Rusiyaya nota verib
13:11 15.01.2025
post-slider
Peskov: Moskva ilə Tehranın sazişinin tarixi ilə Trampın inaqurasiyasının vaxtı arasında heç bir əlaqə yoxdur
13:06 15.01.2025
post-slider
Baydenin işçiləri Ağ Evdən maşın-maşın məxfi sənəd çıxarırlar
13:00 15.01.2025

Xəbər lenti

Hamısına bax