Litvada yerləşdirilməsi planlaşdırılan NATO briqadasının qərargahının nümayəndələri Baltikyanı ölkəyə səfər edəcəklər.
"Report" xəbər verir ki, bu barədə ölkənin müdafiə naziri Arvidas Anusauskas LRT milli radiosunun efirində bildirib.
"Alman hərbçiləri - lazımi avadanlıqla təchiz olunmuş təxminən 100 nəfər bu gün bərə ilə Kildən Klaypedaya gəlir. Sonra onlar Ruklaya gedəcək və orada briqadanın qərargah bölməsini formalaşdırmağa başlayacaqlar", - nazir deyib.
Qərargahın Litvada yerləşdirilməsi qərarı NATO-nun iyunda keçirilən sammitində qəbul edilib.
