Ayfon 15 Pronun görüntüləri yayıldı

Ayfon 15 Pronun səs səviyyəsinə nəzarət üçün toxunma (sensorlu) düymələrini aydın şəkildə göstərən yeni render yayımlanıb.

Axar.az xəbər verir ki, bu barədə "ShrimpApplePro" Tvitter istifadəçisi məlumat yayıb.

Əvvəlki ayfonlardan fərqli olaraq, yeni modeldə iki ayrı-ayrılıqda deyil, bir səs düyməsindən istifadə ediləcəyinə diqqət çəkilib. Bundan əlavə, yeni səssiz düymə də görüntülənib. Görünür, bu düymə də sensorlu olacaq.

Diqqətini çəkən başqa bir detal kamera blokudur. İddia olunur ki, o, Ayfon 14 Pro və daha köhnə modellərdə olduğu kimi korpusdan çox çıxmayacaq.