“Boei̇ng” təyyarələri ilə bağlı son zamanlar yaşanan texniki qəzalar, təhlükəsizlik problemləri şirkətin etibarını zədələyib. ABŞ federal Havaçılıq İdarəsi şirkətin istehsal etdiyi təyyarələrin keyfiyyətini ciddi şəkildə yoxlamağa qərar verib. Buna səbəb “Boeing”lərdə qəzaların son zamanlar tez-tez baş verməsidir.
“Sherg.az” “NTV.com.tr”yə istinadən bildirir ki, 2018 və 2019-cu illərdə şirkətin populyar təyyarə modeli 737 "Max"lar tərəfindən törədilmiş 2 aviaqəzada 346 nəfər həlak olub. Bu il isə 737 "Max"ın uçuşu zamanı təyyarənin qapısı qopub. Başqa bir qəzada isə təyyarənin əyləci yaxşı işləməyib, pilotlar çətin vəziyyətə düşüb. Mart ayının başlanğıcında da şirkətin təyyarələrində kabus kimi 2 olay yaşanıb. Martın 4-də Texasdan qalxan “737”nin motoru alovlanıb. 6 martda isə Portlanddan qalxan “737”nin pilot kabinəsi dumanla dolub. Ertəsi gün San-Fransiskodan Yaponiyaya uçan təyyarənin təkəri düşüb və 110 kiloluq təkər avtoparkdakı bir avtomobili əzib. Şirkətin istehsal etdiyi təyyarələrlə bağlı ciddi yoxlamalara başlayan idarə təyyarələrdə böyük nöqsanlar aşkarlayıb. Hətta istehsal prosesinə məsul şəxs, 62 yaşlı Con Barnettin intihar etdiyi bildirilir. Onun istehsal prosesində standartları pozduğu da deyilir. “Boeing” 6 il ərzində 10 milyonlarla dollar zərərə düşüb. Təyyarələrə etibar azaldıqca şirkət müflisləşir.
