Təyyarə qəzasında həlak olan İran prezidenti İbrahim Rəisi həm ölkə, həm də bütövlükdə dünya üçün çətin bir zamanda ölkəyə rəhbərlik edib.
Axar.az xəbər verir ki, bunu BMT-nin Baş katibi Antonio Quterreş Baş Assambleyasda İ.Rəisinin xatirəsinə həsr olunmuş tədbirdə deyib.
“Prezident Rəisi ölkə, region və bütövlükdə dünya üçün çətin bir zamanda İrana rəhbərlik edib. Bu çətin dövrlərdə beynəlxalq və regional əməkdaşlıq hər zamankindən daha vacibdir. BMT İran xalqı ilə həmrəydir”, - deyə o bildirib:
Dünya təşkilatının rəhbəri bir daha İran hökumətinə və xalqına dərin hüznlə başsağlığı verib.
