Rusiyanın Belqorod vilayətinin Şebekino şəhərində çoxmənzilli binaları dron əleyhinə cihazlarla təchiz olunacaq.
Teleqraf.com xəbər verir ki, bu barədə vilayətin qubernatoru Vyaçeslav Qladkov özünün "Telegram" kanalında məlumat verib .
Onun sözlərinə görə, artıq 50 ev üçün materiallar alınıb və onlar yanvarın ortalarında quraşdırılacaq.
“Mən artıq dedim ki, biz yaşayış binalarımızı düşmənin pilotsuz təyyarələrinə qarşı xüsusi torla örtməyə başlamışıq. Ötən gün 50 evin materialını təhvil verdik. Ayın ikinci yarısından biz obyektləri bağlamağa başlayacağıq”, – siyasətçinin yazısında deyilir.
Qladkov qeyd edib ki, torla örtüləcək tikililərin siyahısı birgə təhlillərdən sonra müəyyən ediləcək.
