Astronomlar, "mini-ay" adlanan "2024 PT5" adlı yaxınlarda müşahidə edilən meteoritin Aydan qopan bir parça ola biləcəyini iddia ediblər. Diametri 10 metr olan göy cismi Ayın səthinə bənzər mineralları daşıyır və Günəş ətrafında fırlanır. Avqustun 7-də ATLAS teleskop sistemləri ilə ilk müşahidə aparılıb. NASA mütəxəssisləri bu kəşfin Aydan qopan meteoritlərin populyasiyasını anlamaqda mühüm addım olduğunu vurğulayıblar.
Sherg.az xəbər verir ki, “2024 PT5” diametri 10 metr olan və Günəş ətrafında fırlanan səma cismi kimi müəyyən edilib. Onun orbital quruluşunun Yerə bənzədiyi və buna görə də səma bölgəsindən gəldiyi bildirilir. İlk dəfə avqustun 7-də ATLAS teleskop sistemləri tərəfindən müşahidə edilən obyektin Aydan qopan və min illər əvvələ aid bir parça olduğu düşünülür.
Dr. Teddi Kareta və komandası, Louell Kəşfiyyat Teleskopu və NASA-nın Havaydakı İnfraqırmızı Teleskop Obyektindən istifadə edərək, meteoritin Ay səthindən toplanmış qayalara çox bənzədiyini qeyd edib. Kareta, '2024 PT5'in Aydan gələn silikat mineralları ilə uyğun olduğunu və yalnız bir neçə min il yaşı olduğunu söyləyib. Karetanın sözlərinə görə, tapıntı Ay meteoritlərinin nadir, lakin artan populyasiyasına işıq salır.
Tədqiqatçılar bu meteoritin kosmik zibil olub-olmadığını müəyyən etmək üçün onun hərəkətlərini tədqiq ediblər. NASA mütəxəssisləri təsdiqləyiblər ki, “2024 PT5” asteroidin hərəkətinə uyğun sıxlıq və davranış nümayiş etdirir.
"2024 PT5" Aydan qoparaq Yerə bənzər orbitə sahib olan ikinci obyekt olaraq qeydə alınıb.
