“Orta Dəhlizin iqtisadi və geosiyasi əhəmiyyəti getdikcə artır. Gürcüstan və Türkiyə bu planda Orta Dəhlizin əsəs hissələridir”.
Teleqraf-ın yerli bürosu xəbər verir ki, bunu Gürcüstan parlamentinin sədri Şalva Papuaşvili Ankarada jurnalistlərə açıqlamasında deyib.
O, Orta Dəhlizin iştirakçı ölkələri arasında qanunvericilik bazasının uyğunlaşdırılması və razılaşdırılmasının, marşrutun bütün potensialından istifadənin vacibliyini vurğulayıb.
Ş.Papuaşvilinin sözlərinə görə, qanunvericilik bazası məsələləri üzrə təmaslar üçün regional əməkdaşlıq qurulacaq.
“Bununla bağlı razılığa gəlinib ki, yaxın vaxtlarda Türkiyə, Gürcüstan və Azərbaycanın parlament sədrləri arasında üçtərəfli formatda ilk görüş keçiriləcək”, - Ş.Papuaşvili əlavə edib.
