İsrailin hücumları zamanı paytaxt Tehranı tərk etmiş iranlılar atəşkəsdən sonra geri dönürlər.
Teleqraf İRNA-ya istinadən xəbər verir ki, əsasən ölkənin şimal bölgələrinə sığınmış paytaxt sakinlərinin kütləvi geridonüşü yollarda birtərəfli tıxaca səbəb olub.
Polis nəqliyyatın hərəkətinin təhlükəsizliyini təmin etmək üçün gücləndirilmiş iş rejiminə keçib.
Xatırladaq ki, İsrailin Tehrana qarşı həyata keçirdiyi raket və dron hücumları səbəbilə çox sayda sakin ölkənin şimal şəhərlərinə – əsasən Mazandaran və Gilan əyalətlərinə sığınmışdı. Hazırda vəziyyətin nisbətən sabitləşməsi ilə qayıdış prosesində intensivlik müşahidə olunur.
Rəsmilər vətəndaşlara mümkün qədər alternativ yollarla hərəkət etməyi və rəsmi məlumatları izləməyi tövsiyə edir.
