Son 24 saat ərzində İsrail ordusunun həyata keçirdiyi hücumlar nəticəsində Qəzza zolağında azı 79 nəfər həyatını itirib, təxminən 400 nəfər yaralanıb.
Teleqraf xəbər verir ki, bu barədə Qətərin "Al Jazeera" telekanalı Fələstin anklavının Səhiyyə Nazirliyinə istinadən məlumat yayıb.
Məlumata görə, hücumlar Qəzza zolağının müxtəlif bölgələrində həyata keçirilib və qurbanların sayı artmaqda davam edir. Ölənlər arasında qadınlar və uşaqların da olduğu bildirilir. Səhiyyə qurumları və humanitar təşkilatlar vəziyyətin kritik olduğunu, tibb müəssisələrinin isə ciddi resurs çatışmazlığı ilə üzləşdiyini vurğulayırlar.
