Ukrayna qoşunları cəbhədə iki istiqamətdə - Sumı vilayətinin şimalı və Donetsk vilayətinin Çasiv Yar şəhərində irəliləyib.
Teleqraf xəbər verir ki, bu barədə ABŞ-nin Müharibə Araşdırmaları İnstitutu (ISW) məlumat yayıb.
“Geolokasiya görüntüləri göstərir ki, Ukrayna qüvvələri Oleksivkadan (Sumı şəhərinin şimalı) cənuba doğru irəliləyiblər”, - məlumatda deyilir.
Rusiya hərbi mənbələri həmçinin Ukrayna Silahlı Qüvvələrinin Yablunivkanın cənubu və Andrivkada əks-hücuma keçdiyini bildirirlər.
Ukrayna ordusu Çasiv Yar istiqamətində də irəliləyib. Söhbət şəhərin mərkəzi və Bila Xoranın cənub-şərqinə (Çasiv Yarın cənubu) doğru irəliləyişdən gedir.
