Türkiyənin xarici işlər naziri Hakan Fidan yaxın bir neçə saat ərzində Suriyanın cənubunda atəşkəs gözlədiyini bildirib.
Teleqraf xəbər verir ki, Ankara bölgədəki vəziyyətlə bağlı narahatlığını kəşfiyyat orqanları vasitəsilə İsrailə çatdırdığını bəyan edib.
H.Fidan deyib: "Biz regiondakı yaxın dostlarımızla işləyirik. Biz ABŞ-la işləyirik və ümid edirik ki, yaxın 3-4 saat ərzində sükut və atəşkəs dövrü başlayacaq".
Türkiyənin xarici işlər naziri bildirib:"8 dekabr 2024-cü ildən sonra Dəməşqdə yeni hökumət beynəlxalq səviyyədə tanındı, sanksiyalar ləğv edildi... Bildiyimiz kimi, ölkənin cənubunda İordaniya sərhədi yaxınlığında insidentlər baş verir. Biz İordaniya ilə sıx koordinasiyadayıq, ABŞ-nin Suriya üzrə xüsusi nümayəndəsi Tom Barak ilə sıx dialoq aparırıq. Bizim mesajımız çox aydındır - heç kimin təhlükəsizliyi regionda qeyri-sabitlik yolu ilə təmin olunmayacaq”.
