Avropa İttifaqı (Aİ) Şurasının iclasında İrana qarşı sürülən ittihamlar rədd edilib.
Teleqraf xəbər verir ki, bu barədə İran Xarici İşlər Nazirliyinin sözçüsü İsmayıl Bəqayi bildirib.
O, bəzi iranlılara qarşı tətbiq edilən yeni Aİ sanksiyalarını qanunsuz, dağıdıcı və əsassız adlandırıb.
"Avropada terrorçuluğu dəstəklədiyinə dair İrana yönəlik iddialar əsassız və mənasızdır. Bəzi Avropa ölkələri İrana qarşı saxta ittihamlar irəli sürməklə əslində beynəlxalq ictimaiyyətin və öz xalqlarının diqqətini yayındırmağa çalışırlar", - diplomat qeyd edib.
Xatırladaq ki, iyunun 15-də Avropa İttifaqı İranda dövlət strukturlarının adından ölkə xaricində insan hüquqlarının pozulmasına görə 8 nəfərə və 1 təşkilata qarşı sanksiya tətbiq edib.
