Polşa və ABŞ Müdafiə Nazirlikləri arasında Xarici Hərbi Maliyyələşdirmə proqramı çərçivəsində Varşavaya 4 milyard dollar kredit zəmanətinin verilməsi haqqında saziş imzalayıb.
Axar.az xəbər verir ki, bu barədə Polşa Müdafiə Nazirliyinin X hesabında məlumat yayılıb.
“Polşanın müdafiə naziri Vladislav Kosinyak-Kamış Xarici Hərbi Maliyyələşdirmə proqramı çərçivəsində ABŞ-ın Polşaya kredit zəmanətlərinin ayrılması haqqında saziş imzalayıb”, - məlumatda deyilib.
Kosinyak-Kamış imzalanma mərasimində vurğulayıb ki, Polşa ABŞ-ın hərbi kreditləşdirmə proqramının ən böyük benefisiarına çevrilib:
“Xarici hərbi maliyyələşdirmə proqramı çərçivəsində ABŞ Polşaya 4 milyard dollar məbləğində kredit zəmanəti verəcək. Vəsait Polşa Silahlı Qüvvələrinin modernləşdirilməsinə sərf olunacaq”.
