“Diqqətini Ankara və Dəməşqə yönəldənlər qalib gələcək. Qılınc qınından çıxsa, qələmə, sözə ehtiyac qalmayacaq”.
Teleqraf xəbər verir ki, bunu Türkiyə Prezidenti Rəcəb Tayyib Ərdoğan Malazgird döyüşünün 954-cü ildönümü ilə əlaqədar çıxışında deyib.
“Məzlumların ümid işığına çevrilmiş bir ölkəmiz var. Sabah da Türkiyə və türk milləti məzlumlar üçün sığınacaq olaraq qalacaq. Türkiyə Suriyadakı kürdlərin də təhlükəsizliyinə zəmanət verir. Ankaraya, Dəməşqə üz tutanlar qalib gələcək. Qibləsini itirənlər məğlub olacaqlar.
Regionumuzda davamlı sülhün bərqərar olmasının, problemlərin dialoq və diplomatiya yolu ilə həllinin tərəfdarıyıq”, - dövlət başçısı bildirib.
