Ağcabədi rayonunda Yuxarı Qarabağ kanalında suda batması ehtimal olunan gəncin axtarış tədbirlərinin effektivliyi məqsədi ilə Yuxarı Qarabağ kanalında suyun səviyyəsi aşağı endirilib.
FHN Aran Dalğıc Qrupu axtarış əməliyyatlarını davam etdirir.
10:46
Fövqəladə Hallar Nazirliyinin (FHN) "112" qaynar telefon xəttinə Yuxarı Qarabağ kanalının Ağcabədi rayonu, Xocavənd kəndindən keçən hissəsində 1 nəfərin batması barədə məlumat daxil olub.
APA xəbər verir ki, bu barədə FHN-dən bildirilib.
Məlumatla əlaqədar FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.
