İranda tibb işçiləri təcili yardım maşınında xəstəxanaya aparılan iki qadına cinsi təcavüz ediblər.
Axar.az xəbər verir ki, bu barədə İranın “Xəbəronlayn” saytı məlumat yayıb.
“Avtomobil qəzasında yüngül yaralandığı üçün xəstəxanaya aparılan qadının əri təcili yardım maşınına buraxılmayıb və xəstəxana yolunda qadına təcavüz edilib”, - məlumatda bildirilib.
Hüquqşünas və vəkil Nida Şəms də başqa bir təcili yardım maşınında bir qadına anesteziya verildiyi və ona təcavüz edildiyi haqda məlumat yayıb.
Qadınlara qarşı əxlaqsız hərəkət edən şəxslərdən biri 60 şallaq zərbəsinə, başqa biri isə 2 il həbs və 74 şallaq zərbəsinə məhkum edilib.
