İsrailin Baş naziri Benyamin Netanyahu ABŞ ilə İran arasında artan münaqişə fonunda ölkənin Təhlükəsizlik Şurasının iclasını keçirib.
Teleqraf xəbər verir ki, İsrailin "Kanal 12" televiziyasının verdiyi məlumata görə, İranın ölkəyə mümkün hücumu zamanı cavab tədbirləri müzakirə olunub.
Bildirilir ki, münaqişənin mümkün eskalasiyası halında İsrail öz hərəkətlərini ABŞ Mərkəzi Komandanlığı (CENTCOM) ilə sıx əlaqələndirir. Öz növbəsində, İsrail Müdafiə Qüvvələri hücum edəcəyi təqdirdə İrana bir sıra cavab tədbirləri hazırlayıb.
