
Rusiya Kamala Harrisi dəstəkləyir?
Yusif Nəzərli
04:00 06.09.2024
Dünya
641
Putinin açıqlaması yarızarafat, yarıciddi təsir bağışlayır
“Kremlin rəhbəri köhnə KQB agentidir və manipulyasiya sahəsində peşəkardır, tərs psixologiya ilə seçkiləri manipulyasiya edir”
Rusiya Prezidenti Vladimir Putin uzun müddət sonra ABŞ-də gözlənilən prezident seçkiləri ilə bağlı fikir səsləndirib. O, Vladivostok İqtisadi Forumunun plenar iclasındakı çıxışında bildirib ki, prezidentlik yarışında Rusiyanın favoriti Co Baydendir: “Demişdim ki, favoritimiz indiki Prezident cənab Bayden idi. O, yarışdan kənarlaşdırıldı, lakin bütün tərəfdarlarını xanım Kamala Harrisi dəstəkləməyə təşviq etdi. Ona görə biz də Harrisə dəstək olacağıq”. Putin qeyd edib ki, Donald Tramp Rusiyaya qarşı indiyədək heç bir prezidentin tətbiq etmədiyi qədər məhdudiyyət və sanksiyalar tətbiq edib.
Politoloq Turan Rzayev "Sherg.az”a deyib ki, V.Putinin açıqlaması yarızarafat, yarıciddi təsir bağışlayır. Aydın məsələdir ki, Rusiyanın Baydeni dəstəkləməsi real deyil:

"Əksinə, bu gün Moskvanın üzləşdiyi bir çox problemin səbəbkarı Co Bayden və onun komandasıdır. Lakin bir reallıq var ki, Kreml başçısının bu sözləri seçkiöncəsi namizədlərin reytinqinə və qələbə şanslarına təsirsiz ötüşməyəcək. Putin köhnə KQB agentidir və manipulyasiya sahəsində peşəkardır, tərs psixologiya ilə seçkiləri manipulyasiya edir. Rusiya Prezidenti çıxışında vurğuladığı iki detalla Demokratların qələbə şansını azaldır. Bu detallar - ABŞ-dəki prezidentlik yarışında Rusiyanın favoritinin Co Bayden oluğunu deməsi və bütün tərəfdarlarını xanım Harrisi dəstəkləməyə təşviq etdiyini bildirməsidir. ABŞ-də seçicilərin əksəriyyəti Moskvanın Vaşinqtonun düşməni olduğunu bilir. Yəni düşmən ölkə demokratları, onların namizədlərini dəstəkləyir. Şübhəsiz, bu detal seçkidə öz sözünü deyəcək, Putinin sözlərini ciddiyə alanlar olacaq".
Ekspertə görə, Rusiya prezidenti Trampı pisləyərək, əslində, onun hakimiyyətə gəlməsini istəyir:
"Seçkiyə az bir vaxt qaldığından artıq hər kəs bilir ki, Tramp hakimiyyətə gələrsə, Rusiya-Ukrayna müharibəsini bitirmək üçün çalışacaq. Hətta Kiyevin Kursk basqını, son günlər Rusiyada irəliləməsi, Trampın ehtimal qələbəsinin Ukraynaya sərf etmədiyini göstərir. Nəticə olaraq Putin tərs psixologiya metodu ilə Kamala Harrisi dəstəklədiyini deyib. O, demokratların prestijini endirməyə, Trampı pisləyərək isə Respublikaçıların reytinqini qaldırmağa çalışır".
Oxşar xəbərlər
Xəbər lenti
Hamısına bax
Naftalanda 3 məktəblini maşın vurub - YENİLƏNİB
22:54 20.11.2026
Hadisə
Hörmüz boğazından çıxan tanker vurulub
21:47 20.11.2026
Dünya
"Sabah" "Sumqayıt"ı darmadağın etdi
21:35 20.11.2026
Futbol
Danimarka Rusiyanın hərbi attaşesini ölkədən çıxarır
21:23 20.11.2026
Dünya
Estoniya diplomatı Rusiya XİN-ə çağırıldı
20:40 20.11.2026
Aktual
Bakıda Cənubi Koreyanın milli bayramı qeyd edildi
20:25 20.11.2026
Siyasət
KİV: ABŞ və İsrail İrana yeni zərbələr endirməyə hazırlaşır
20:17 20.11.2026
Gündəm
Britaniya Rusiyaya və Çinə qarşı kiberəməliyyatlar həyata keçirir
20:04 20.11.2026
Dünya
Bakı metrosunda texniki xəta baş verdi - Qatarlar gecikdi
19:47 20.11.2026
Hadisə
İŞİD-ə qoşulmuş şəxslər saxlanılaraq Azərbaycana gətirildi
19:10 20.11.2026
Hadisə
Taksi sürücüləri üçün növbəti imtahanın tarixi açıqlandı
18:53 20.11.2026
Sosial
Fransanın keçmiş baş naziri prezident seçkilərinə qatılacaq
18:48 20.11.2026
Dünya
Naftalanda 3 məktəblini maşın vurub
18:37 20.11.2026
Hadisə
Pul yoxdur, xalq etiraz edir - Pezeşkian
18:24 20.11.2026
Dünya