İran İnqilab Keşikçiləri Korpusuna (SEPAH) bağlı “Tasnim” xəbər agentliyi texnologiyası hərbi məqsədlər üçün istifadə edilən ABŞ-nin aparıcı şirkətlərinin siyahısını dərc edib.
Teleqraf xəbər verir ki, materialda bu qurumlar “İranın yeni hədəfləri” adlandırılıb.
“Regional müharibənin əhatə dairəsi infrastruktur müharibəsinə qədər genişləndikcə, İranın qanuni hədəflərinin əhatə dairəsi də genişlənir”, - agentlik bildirib.
Şirkətlər arasında “Google”, “Microsoft”, “Palantir”, IBM, “Nvidia” və “Oracle” də var. Həmin şirkətlərin İsrail və körfəz ölkələrindəki ofis və infrastrukturlarının hədəfə alına biləcəyi vurğulanıb.
