Önümüzdəki əsrdə iz buraxacaq planlarla hərəkət edirik. Türkiyə xarici siyasətdə atdığı strateji addımlarla əsas açar rolunu oynamağa başlayıb.
Axar.az xəbər verir ki, bunu Türkiyə prezidenti Rəcəb Tayyib Ərdoğan deyib.
“Tariximizdən və mədəniyyətimizdən qazandığımız zəngin irslə ölkəmizi arzuladığımız mövqeyə çatdırırıq. Dünən Suriya lideri Əhməd əş-Şara və onun rəhbərlik etdiyi nümayəndə heyəti ölkəmizdə səfərdə oldu. Onunla bir çox məsələləri müzakirə etdik. İki ölkənin gələcəyini formalaşdıracaq mühüm qərarlar qəbul etdik”, - Türkiyə lideri əlavə edib.
