Nyu-York ştatının məhkəməsi məhkəmənin əvvəllər ləğv olunmasına qərar verdiyi nəşri sosial şəbəkədəki hesabında saxladığına görə ABŞ-nin keçmiş prezidenti Donald Trampı həbs etməklə hədələyib.
“Mən ona [Trampa] paylaşdığı yazını dərhal silməyi əmr etdim və o, onu məhv etməsi barədə göstəriş verdim. Verilən göstərişə baxmayaraq, öyrəndim ki, təhqiredici yazı saytdan silinməyib. Bu, məxfilik haqqında qətnamənin kobud şəkildə pozulmasıdır. Mən açıq şəkildə bildirdim ki, qətnaməyə əməl etməmə ciddi sanksiyalarla nəticələnəcək... İndi mən cavabdehə mənə izah etmək imkanı verəcəyəm ki, bu [pozuntu] niyə ciddi sanksiyalarla nəticələnməməlidir, əks halda mən onu həbs edə bilərəm”, - deyə “NBC” telekanalı hakim Artur Enqorondan sitat gətirib.
Oktyabrın əvvəlində Tramp özünün “Truth Social” hesabında Enqoronun əməkdaşının Senatda demokratik əksəriyyətin lideri Çak Şumerlə birgə şəklini dərc edib. Eyni zamanda, fotoşəkilin altında Tramp onun qanunvericinin “rəfiqəsi” olduğunu yazıb. Məhkəmə yazının silinməsinə qərar verdikdən sonra Tramp bu paylaşımı sosial şəbəkədən silib. Bununla belə, “NBC”nin verdiyi məlumata görə, yazı 17 gün ərzində ictimaiyyətə açıq şəkildə Trampın seçkiqabağı kampaniyasının saytında saxlanılıb və yalnız məhkəmə qərarından sonra silinib.
Vəkillərin sözlərinə görə, yazı saytda qəsdən saxlanılıb.
“Məhkəmə xahiş etdikdən sonra “Truth Social”da paylaşılan yazı silinib və Tramp məhkəmə heyətinə əlavə şərh verməyib, lakin, deyəsən heç kim onun payladığı yazını seçkiqabağı kampaniyanın saytından silməyib. Bu, bir xoşagəlməz hadisədir və mən müvəkkilim adından üzr istəyirəm”, – deyə Trampın vəkili Kris Kizi bununla bağlı açıqlamasında bildirib.
Mənbə: “NBC” telekanalı
