ABŞ prezidenti Donald Tramp sui-qəsd nəticəsində öldürülən tərəfdarı, siyasi fəal Çarli Kirkin dəfn mərasimi zamanı qolf oynayıb.
Publika.az xəbər verir ki, Bbu barədə "TMZ" məlumat yayıb.
Məlumata görə, sentyabrın 14-də axşam saatlarında Tramp Vaşinqtonda idi. Kirkin dəfn mərasiminin keçirildiyi Kennedi Mərkəzinə insanlar toplaşarkən, o, axşam saat 18:30-da Ağ Evdəki iqamətgahına qayıdıb.
Nəşr yazır ki, Kennedi Mərkəzi Ağ Evdən təxminən 2,5 km aralıda yerləşir. Bununla belə, Tramp tərəfdarının xatirəsini yad etmək üçün qolf oynamaqdan imtina etməyi lazım bilməyib.
Dəfn mərasimi saat 18:00-da başlayıb. "TMZ" bildirir ki, buna görə də Konqresin 85 üzvünün və MAGA (Make America Great Again – “Amerikanı yenidən böyük edək”) hərəkatının üzvlərinin iştirak etdiyi mərasimə Trampın qatılmamaq qərarı olduqca təəccüblüdür.
