Tramp onu Rusiya ilə dost hesab edənləri “xəstə” adlandırıb.
ABŞ-nin Respublikaçılar Partiyasından prezidentliyə namizəd Donald Tramp onu Rusiyanın dostu hesab edənləri “xəstə” adlandırıb.
Bakupost.az xəbər verir ki, o, bu barədə Arizona ştatının Qlendeyl şəhərindəki stadionda teleaparıcı Taker Karlsona müsahibəsində bildirib
“Onlar (demokratlar-red.)] mənim Rusiyanın dostu olduğumu, Rusiya üçün işlədiyimi, rus casusu olduğumu söyləməyi xoşlayırlar. Bu insanlar xəstədir”, - Tramp bildirib.
O, əlavə edib ki, Rusiyanın ən böyük nailiyyəti bu ölkədən Almaniya vasitəsilə Avropaya uzanan “Şimal axını 2” boru kəməridir.
“Mən onu məhv etdim. Bunu heç kim etmədi, amma mən etdim. Mən onu dayandırdım”, - Tramp bildirib.
Tramp prezidentliyi dövründə dəfələrlə Almaniyanı "Şimal axını 2"-nin tikintisinə görə tənqid edib, eyni zamanda Moskva ilə əvvəlki münasibətlərin bərpasına qarşı çıxıb. Xüsusilə tikintidə iştirak edən alman şirkətlərinə qarşı sanksiyalar tətbiq etməklə hədələyib.
